احبك والمحبه تختلف مابين نوع ونوع

ياليت الهاتف اللي جاب صوتك مااتجيه قطوع&& ياليتـك ماتفارقنـي ولاتـطـري توادعـــنـي

أبيك تسلي الخاطر وأسلـي قلبـي المفجـوع&&بعد فرقاك يـوم إن الليالـي منـك تقطعنـي

لو إنك شفتني بعدك وانا عينـي تهـل دمـوع&&لو إنك شفتني يوم الفـراق الصعـب يفجعنـي

ترى حالي بعد فرقاك حال التايـه الموجـوع &&غـــريب في ديـارك والـــدواء ماعـاد ينفعنـي

ولاينفعني إلا شوفتـك او صوتـك المسمـوع&& بعـد ماضاقـت الدنيـا بوجهـي لاتلـــوعنـــــي

أبا أسمعك صوتي وإنت كلمني بكـل أسبـوع&& أمانه كل راس أسبـــوع صوتـك لايقاطعنـي

تشوف الأرض لاجاها الحيا واستبشرت برجوع&& تراني مثلها صـــوتـك علـى الدنيـا يرجعنـي

تجي مثل الحيا وسط الصحاري والحيا متبـوع& & يبل القاع وإنـت تبـل ريقـــــي بـس تمنعنـي

وترى مافيه عيب إني عشقتك والهوى مشروع& لو إني خابر إنك منت حولـي بـس تسمعنـي

أنا لاغاب صوتك صرت من كل البشر مقطوع& & ماشوف إلا انت مخـــلوقٍ على الدنيـا يمتعنـي

متاعي في حياتي والرجا في شوفتك ممنـوع& & عســــى ربـي يمتعنـي بصبـرٍ مايضيعـنـي

أحبك والمحبه تختلـف مابيـن نـوع ونـوع&& وحبك نوعـــــه النـوع الشــديـد اللـي يروعنــــــي

أحبك بالمسامع والمشاعر والضمـا والجـوع&& وبكل احســـاس صدقٍ بالمحبـه فيـك يجمعنـي

واصعب من صعوبة حبة الرجال راس الكـوع&& وانا ياما نهيـت القلـــــــب عنـك ولايطــــاوعنـي

تغيب وتتبعك دقات قلبي بين غصـب وطـوع&& وانا مابين بعـد وقـــــــرب ويـــــن الله موزعنـي

أكيد انك بعيد ولايبي لـه بحـث هالموضـوع&& لكـــــن القلب لامنـــــه سمـع صوتـك يشجعنـي

يشجعني على التفكير فيك ويجري الينبوع& & مثل مجرى العروق بدمها والشــــوق يدفعنـي

تحياتي لكم قلب

» جيت اقول(اني احبك)شفت عينك استحيت
» [تم الحل]كلمة ’’’ احبك ,,, لمين تهديها